Бугун футбол. "Сўғдиёна" - "Машъал"

«Сўғдиёна» (Жиззах) – «Машъал» (Муборак)
6 май 2017. Жиззах. "Жиззах" стадиони. 18:00
Ҳакамлар: Ҳ. Рўзиев (Тошкент), О. Абдувосилов (Тошкент), С. Шоюсупов (Тошкент), Ш. Насибуллаев (Наманган)
Назоратчи: И. Нехочин (Наманган).
ЎзПФЛ вакили: Г. Ртвеладзе.

Ўйин олдидан: Аввалги турда "Бунёдкор"ни мағлуб этган "Машъал" бугун сафарда "Сўғдиёна"га қаши баҳс олиб боради. Жиззахликлар ўтган тур "Динамо" билан 2:2 ўйнашди. Бугунги ўйин ҳақида нима дейиш мумкин? Албатта, "Сўғдиёнга" ўз майдонида фақат ғалабани кўзлаб майдонга чиқади, ўз навбатида "Машъал" ҳам сафарда иккинчи ғалабасини қўлга киритишга уриниб кўради.

Турнир жадвалидаги ўрни: "Сўғдиёна" ҳозирда 8 ўйиндан сўнг 8 очко билан 13-ўринни эгаллаб турибди. "Машъал" ҳисобидаги очколар сони 14тани ташкил қилмоқда ва улар 5-ўринда боришмоқда.

Факт: "Сўғдиёна" ўз майдонидаги учта ўйиндан иккитасини ғалаба билан якунлаган. Жамоа Жиззахда "Олмалиқ" билан "Обод"ни мағлуб этиб, "Нефтчи"га имкониятни бой берган. Уй учрашувларида тўплар нисбати 4-3.

Факт: Ҳозирча сафарда учта ўйинда майдонга тушган "Машъал" уч хил натижа қадй этган. Муборакликлар аввалига Ғузорда "Шўртан"ни мағлуб этган бўлишса, кейинчалик "Навбаҳор"га имконият бой бериб, "Бухоро" билан дуранг ўйнашган. Натижада "Машъал" сафарда 4 очкони қўлга киритган, тўплар нисбати 4-3.

Биласизми? "Сўғдиёна" қаторасига учта ўйиндан бери ғалаба қозона олмаяпти. Даврон Файзиев шогирдларида иккита дуранг ва бир мағлубият бор. "Машъал" эса кетма-кет уч ўйиндан бери мағлубиятга учрагани йўқ.

Эсингиздами? Ўтган йил Жиззахда бўлиб ўтган беллашувда 1:0 ҳисобида "Сўғдиёна"нинг қўли баланд келган.