Бугун футбол. "Қўқон-1912" - "Қизилқум"
19 jun 2020 12:41
News

Бугун футбол. "Қўқон-1912" - "Қизилқум"

Бугун бўлиб ўтадиган иккита ўйин билан Coca Cola Суперлигасининг 5-турига старт берилади.

Аввалги иккита уй учрашувни ғалаба билан якунлаган "Қўқон-1912" ўз майдонида чемпионатда ҳали ғалаба қозонмаган "Қизилқум"ни қабул қилади.

Мусобақа жадвалида "Қўқон-1912" 6 очко билан 6-ўринни эгаллаб турибди. "Қизилқум" ҳисобида эса атиги 1 очко мажуд бўлиб бу жамоа 13-ўринда боряпти.

Ўтган турда ҳар икки жамоа мағлубиятга учради. "Қўқон-1912" сафарда "Бунёдкор", "Қизилқум" ўз майдонида АГМКга қарши баҳсда бир хил 0:1 ҳисобида имкониятни бой берди.

Бугунги ўйин "Қўқон-1912" учун ўз майдонидаги учинчи беллашув бўлади. Аввалги иккита уй ўйинида Бахтиёр Ашурматов шогирдлари ғалабага эришишган. Қўқонликлар дастлаб "Бухоро"ни 3:0, сўнгра "Сўғдиёна"ни 2:1 ҳисобида мағлуб этишди. Умуман олганда "Қўқон-1912" уйдаги иккита баҳсни ғалаба билан якунлаб, сафарда икки бор имкониятни бой берди.

"Қизилқум"га келсак, бу жамоа тўртта турдан учтасини ўз майдонида ўтказиб, фақат мағлуб бўлди. Жамоанинг ягона дуранги Суперлигага бу йил қайтган "Машъал" билан сафарда қайд этилган (1:1). Бугун навоийликлар иккинчи бор сафарда тўп тепишади ва Тачмурад Агамурадов шогирдлари илк бор уч очколи бўлишга ҳаракат қилиб кўришади.

Қизиғи шундаки, бугунги ўйин устоз ва шогирд ўртасидаги ўзаро қарама-қаршилик бўлади. Негаки Бахтиёр Ашурматов 2004-2005 йилги мавсумда айнан туркманистонлик мураббий қўл остида "Пахтакор"да фаолият олиб борган.

P.S. Cоат 19:00да бошланадиган ўйинни "Маҳалла" ТВ орқали тўғридан тўғри кузатиб боринг.

Kokand-1912

Otabek Khaydarov - 61', Murod Khalmukhamedov - 87', Aleksandr Merzlyakov - 89', Собит Синдаров - 90'

Superliga. Round 5

19/06/2020, 19:00

Finished

Qizilqum

45'

90'