Бугун футбол. "Локомотив" - "Металлург"

Мамлакатимизнинг уч карра чемпиони "Локомотив" бугун ўз майдонида Бекобод шаҳрининг "Металлург" клубини қабул қилади. 

Дастлабки уч турдан сўнг "Локомотив" турнир жадвалида 6 очко билан 6-ўринда боряпти. "Металлург" ҳисобида эса 4 очко мавжуд ва бу жамоа 9-ўринни эгаллаб турибди. 

"Локо" карантингача ўтказилган учта ўйиннинг иккитасида зафар қучиб, бир бор мағлуб бўлди. "Темирйўлчилар" ўз уйларида аввалига "Андижон"ни қабул қилиб 2:1 ҳисобида зафар қучишди. Шундан сўнг сафарда "Навбаҳор" меҳмони бўлиб 0:2 ҳисобида имкониятни бой берди ва 3-турни яна ўз майдонида ўтказиб "Бухоро"ни 3:0 ҳисобида мағлуб этди.

"Металлург" эса бу йилги чемпионатни дуранг билан бошлади. Бекободликлар сафарда АГМК меҳмони бўлиб, 1:1 ҳисобини қайд этишди. Сўнгра ўз майдонида "Қўқон-1912" устидан 1:0 ҳисобида зафар қучди ва ўтган турда "Пахтакор" меҳмони бўлиб 1:4 ҳисобида имкониятни бой берди. 

Тошкентда ўтган охирги 5 ўйин

2019. "Локомотив" - "Металлург" 1:1

2018. Иккинчи босқич. "Локомотив" - "Металлург" 1:0

2018. Биринчи босқич. "Локомотив" - "Металлург" 1:1

2017. "Локомотив" - "Металлург" 3:1

2016. "Локомотив" - "Металлург" 4:1

P.S. Бугун соат 19:00да бошланадиган ўйинни "Маҳалла" ТВ орқали тўғридан тўғри кузатиб боринг.