Бугун футбол! "Локомотив" - "Андижон"

Олий лига, 17-тур. "Локомотив" - "Андижон"
Бош ҳакам: Дмитрий Пислегин (Тошкент).

Турнир жадвалидаги ўрни: "Локомотив" 1-ўринда (42 очко), "Андижон" 14-ўринда (12 очко).
Очколар орасидаги фарқ - 30 очко.

Таъриф: Ҳар иккала жамоа иккинчи даврани ғалаба билан бошлади. "Локомотив" ўз майдонида "Навбаҳор"ни йирик 5:0 ҳисобида мағлуб этган бўлса, "Андижон" "Пахтакор"ни 1:0 ҳисобида енгди. Бугун ТТЙМИ стадионида қизиқарли баҳс кечиши кутилмоқда. "Локомотив" олий лигадаги мағлубиятсиз сериясини давом эттиришга ҳаракат қилса, "Андижон" "Пахтакор" устидан қозонилган ғалаба тасодиф эмаслигини исботлашга уринади.

Факт: Андижонда кечган биринчи давра ўйинида "Локомотив" 3:1 ҳисобида ғалаба қозонган. Ўйинда Темурхўжа Абдухолиқов иккита тўп киритиб, дублга эришган бўлса, яна бир гол Сардор Мирзаев ҳисобига ёзилган.

Факт: "Локомотив" олий лигада мағлуб бўлмаган ягона жамоа бўлиб турибди. Жамоа уч марта дуранг ўйнаб, 13 беллашувда зафар қучган. "Андижон" эса қаторасига еттита ўйиндан сўнг ниҳоятда ўтган турда ғалабага эришди. Умуман олганда, андижонликлар ҳисобида фақат тўртта ғалаба бор, холос.

Эслатма: Кеча бўлиб ўтган Ёшлар лигаси баҳсида меҳмонлар 1:0 ҳисобида зафар қучишди.