Бугун Фарғона “Вилоят Ҳокими Кубоги-2017” старт олади

Айни дамда мамлакатимизда фаолият юритаётган футбол клублари янги мавсумга тайёргарликни давом эттиришмоқда.

Футбол мухлислари учун эса ҳақиқий байрам бошланди. Бугундан ҳар йили анъанавий тарзда ўтказилиб келинадиган “Вилоят Ҳокими Кубоги-2017” мусобақаси старт олади. Фарғона шаҳридаги бир қатор стадионларда бўлиб ўтадиган ўйинлар қизиқарли ва кескин курашларга бой тарзда ўтиши шубҳасиз.

Мусобақа ташкилотчилари Фарғона вилояти ҳокимлиги ва вилоят футбол федерацияси саъий-ҳаракати билан мусобақа халқаро мақомига эга бўлганини таъкидлаш жоиз. Қирғизистоннинг “Олой” жамоаси мусобақада иштирок этаётгани боис, “Вилоят Ҳокими Кубоги-2017” ҳам халқаро мусобақалар қаторидан ўрин оладиган бўлди.

Мухлислар ҳам турнирни сабрсизлик билан кутишаётгани бор гап. Барча ишқибозларни ўйинларга таклиф этиб қоламиз.


Бугунги ўйинлар анонси билан танишинг:
“А” гуруҳи
26 январь
Ўз Донг Жу – Истиқлол  соат 14:30  Истиқлол стадиони
 
“С” гуруҳи
26 январь
Ёзёвон лочинлари – Тошлоқ  соат 11:00  Нефтчи СК стадиони
Баркамол авлод – Фаровон  соат 14:30  Нефтчи СК стадиони
 
“Д” гуруҳи
26 январь
Цементчи-2 – Қўқон-1912-2  соат 11:00  ФарДУ СМ
Машъал-2 – ФарДУ  соат 14:30  ФарДУ СМ
Ўз Тонг Хонг Ко – Сирдарё ё.т.ж  соат 11:00  Нефтчи ФМ
 
Ўйинлар ўтадиган стадионлар билан танишинг: Фарғона Давлат университетига қарашли спорт соғломлаштириш мажмуаси (ФарДУ СМ, собиқ Марказий ўйингоҳ), Қиргулидаги “Нефтчи” спорт мажмуаси (Нефтчи СК), “Нефтчи” ПФК қошидаги футбол мактаби (Нефтчи ФМ) ҳамда “Истиқлол” стадионидаги сўнъий майдонларда бўлиб ўтади.