Буффон: "ЖЧ-2022 бизни кутиб турибди, аммо..."

"Манчини ажойиб ишларни амалга оширмоқда. 43 ёшга кирдим, шу боисдан: "Мени термага чақиринглар", дейишга ҳаққим йўқ. Бироқ жаҳон чемпионатида ўйнашни истайман.

Нима қиласан ўйнаб? "Парма"ни А Серияга қайтишига ёрдам берсанг бўлмайдими, дейишади. Аммо кейинчи? Манчини мени чақирмаса керак. У ЖЧга борадиганларни аниқлаб бўлган. Аммо мен орзу қилишда давом этавераман.

Евро-2020 финалини уйда болаларим билан томоша қилдим. Қувончларим олам-олам эди. Уларга қувонч кўз ёшлари билан қараб турганимда 2018 йили Швецияга мағлуб бўлиб, ЖЧга чиқа олмаганимиздан кейин уйга қайтганимда болаларим мени қандай кутиб олгани ёдимга тушди. Мен ҳам йиғлагандим ўшанда", - деди Буффон.