Буффон: «Ҳакамнинг юраги йўқ, унинг ўрнида ахлат қутиси бор»
12 apr 2018 08:31
News

Буффон: «Ҳакамнинг юраги йўқ, унинг ўрнида ахлат қутиси бор»

«Ювентус» дарвозабони Жанлуижи Буффон «Реал»га қарши ўйиндан сўнг бош ҳакам Майкл Оливерни танқид қилди.

Қўшимча дақиқаларда бош ҳакам пенальти белгилади ва уни Роналду аниқ амалга оширди. Ҳакам билан тортишгани учун Буффон майдондан четлатилди.

«Бу 10 фоизга ҳам пенальти эмас. Ҳакам нимани кўрганини билмайман. Биринчи ўйинда 93-дақиқада худди шундай вазиятда бизга пенальти беришмаганди, бугун эса рақибга беришди.

Ҳакамнинг юрагининг ўрнида ахлат қутиси бор. Агар бундай стадионда майдонга тушишга қўрқсанг трибунада оиланг билан ўтир, Sprite ич ва чипс чайна. Жамоанинг орзусига раҳна солиш керак эмас.

«Реал» икки ўйин натижасига кўра ҳақли тарзда кейинги босқичга чиқди. Уларга омад тилайман. Аммо биз камида қўшимча таймларга муносиб эдик», – дейди Буффон.