“Брентфорд” устози: “Тилсиз қолдим гўё. Нима бўлганини эртага, уйқудан турганимдан кейин тушунсам керак”

“Қайсидир маънода ушбу натижа туфайли тилсиз қолдим гўё. “Манчестер Юнайтед” – дунёдаги гранд клублардан бири. Уларнинг жамоаси энг яхшилар қаторида, уларда энг зўр ўйинчилар бор ва биз уларни 4:0 ҳисобида енгдик. Бу ҳақли ғалаба эди. Аниқ 4:0 ҳақида айтмаяпман, аммо муваффақиятимиз адолатли қўлга киритилди. Буни, эртага уйғонганимдан кейингина англаб етсам керак. Жамоамиз қанчалар яхшилигини биламан ва буни қадрлайман, ғалабамиздан ҳайрон бўлмадим. Аммо якуний ҳисоб 4:0 бўлганига албатта ақл бовар қилмайди.

Фантастик туйғу. Режамиз майдонда идеал тарзда амалга оширилди. Ўйлашимча, иккита гол агрессив ҳаракатлар орқали юқори прессинг туфайли юзага келди ва МЮга муаммолар туғдирди. Яхши ҳимояланадиган пастки блогимиз зўр кўринди. Ҳа, ўтиш фазалари ҳам аъло даражада эди, тўртинчи гол эса бу жиҳатда, шунчаки ажойиб бўлди”, дейди Томас Франк.