Breaking news: "Насаф"нинг яна икки етакчиси Тошкент клубига ўтади

"Пахтакор" клуби "Насаф"нинг ўнг қанот ҳимоячиси Акмал Шораҳмедов ҳамда ўрта чизиқ вакили Баҳром Абдурахимовни ўз сафига қўшиб олмоқда.

Аввалроқ "Пахтакор" бу иккала футболчига қизиқаётгани ҳақида хабар қилгандик.
Охирги музокаралардан сўнг томонлар келишувга эришишган.

Кеча ўзининг тақдирлаш маросимини ўтказган "Насаф" жамоасини дастлаб Фарруҳ Сайфиев тарк этганди.
Бугун жамоа лагеридан Баҳром Абдурахимов кетган.
Акмал Шораҳмедов ҳам айни пайтда "аждарлар" қароргоҳини тарк этган.

"Пахтакор" бу футболчилар билан оғзаки келишувга эришган.
Акмал Шораҳмедов ҳамда Баҳром Абдурахимов катта эҳтимол билан эртага расман "Пахтакор" футболчисига айланиши кутилмоқда.

"Насаф" етакчиларини олиб қоладими?

Бунгача "Пахтакор" "Насаф"дан ёзда Элдорбек Суюнов ҳамда Шерзод Аъзамовни трансферини сотиб олганди.
Давралар оралиғида "шерлар" Шораҳмедов ва Абдурахимовни ҳам трансферини ҳарид қилишни исташганди.
Аммо "Насаф" ўшанда ўз етакчиларидан бу икки футболчини сақлаб қолишни истагани боис уларни сотмаганди.

Шораҳмедов ва Абдурахимовнинг декабрда "Насаф" билан тузган шартномаси тугади ва футболчилар эркин агент сифатида "шерлар" сафига қўшилишмоқда.

Олий лига: Қишда амалга ошиши мумкин бўлган "қайноқ" трансферлар ўнталиги (TOP-10)