Breaking! Месси раҳбариятга "Барса"дан кетишини маълум қилган. Бу ҳақда Неймарнинг ПСЖга ўтишини хабар қилган журналист ёзди
17 aug 2020 00:31
News

Breaking! Месси раҳбариятга "Барса"дан кетишини маълум қилган. Бу ҳақда Неймарнинг ПСЖга ўтишини хабар қилган журналист ёзди

Лионель Месси тез орада "Барселона"ни тарк этишни хоҳлаяпти, деб ёзди Бразилиянинг "Esporte Interativo" нашри журналисти Марсело Бехлер.

Таъкидланишича, ҳужумчи клуб раҳбариятини огоҳлантиришга ҳам улгурган. У амалдаги шартномасининг якунланишини (2021) кутмоқчи эмас.

"Esporte Interativo" нашрига маълумот берган "Барселона" тизимининг вакили бунга қадар ҳеч қачон Месси кетишга қарор қилганини кўрмаганини ҳам қўшимча қилган. Ғалаба қозонишга тайёр спорт лойиҳасининг йўқлиги аргентиналик чарм тўп устасининг хафсаласини пир қилган.

Таъкидлаш керакки, Бехлер Барселонада истиқомат қилади. У 2017 йилда Неймарнинг ПСЖга ўтишини ҳам биринчи бўлиб эълон қилган эди.

Аввалроқ Месси "Интер"нинг офиси яқинидан пентхаус сотиб олгани ҳақида хабар қилинган эди. "Нерадзурри"лар форвардга 4 йилга мўлжалланган 260 миллион евролик шартнома таклиф қилишга тайёр.

Link :

Source : Esporte Interativo

Receive latest football news directly on your phone. Subscribe for our Telegram channel!

Rating: +21