Бойматов билан Ғанижонов “Қизилқум”га қайтди
27 jun 2018 16:20
News

Бойматов билан Ғанижонов “Қизилқум”га қайтди

Юзага келган трансфер ойнасида Суперлига иштирокчиси “Қизилқум” ўз таркибини кучайтиришга уринмоқда.

Ҳамид Актамов бошқарувидаги “кончилар” сафига яқинда “Андижон”нинг икки нафар футболчиси келиб қўшилди. Булар – марказий ярим ҳимоячи Элдор Бойматов ва ҳужумчи Бегзод Ғанижоновдир. Мухлисларга яхши маълумки, илгари ушбу иккала футболчи ҳам “Қизилқум” либосида ўйнаганди. Орадан маълум муддат ўтиб, Бойматов билан Ғанижонов яна собиқ жамоасига қайтган.

Олинган маълумотларга кўра, Элдор Бойматовни “Андижон” жамоаси трансферга қўйган. Томонлар молиявий масалада келиша олса, 28 ёшли футболчи мавсумнинг иккинчи қисмини “Қизилқум” таркибида ўтказади.