"Боруссия" Манжукични МЮдан илиб кетмоқчи

Kicker нашри хабарига кўра, "Ювентус" ҳужумчиси Марио Манжукичнинг қишки трансфер ойнасида жамоани тарк этиши тобора ойдинлашиб бормоқда. 33 ёшли форвард Дортмунднинг "Боруссия" клуби қизиқишлари доирасига тушиб қолди. Олдинроқ, "Кекса синьора" ҳужумчиси фаолиятини "Манчестер Юнайтед" клуби сафида давом эттириши тахмин қилинаётганди. Манжукичнинг трансфер баҳоси 5 миллион еврони ташкил қилиши кутилмоқда.

Эслатиб ўтамиз, Марио 2010-14 йилларда Германияда фаолият юритиб, "Вольфсбург" ва "Бавария" клублари шарафини ҳимоя қилганди.