"Бодрум" ва "Вестерн Сидней Уондерерс" Умарали Раҳмоналиевга қизиқмоқда

Улар сотилади ёки ижарага берилади. 

Ҳимоячи Рустам Ашурматов 2 йил давомида бошланғич таркибдан муқим жой ололмади ва рақобатни бой берди. Рубинликлар уни сотишга ҳам, ижарага беришга ҳам тайёр. Унга Яқин Шарқ клубларидан қизиқиш бор, аммо Қозонга ҳозирча аниқ таклифлар келиб тушмаган.

Ярим ҳимоячи Умарали Раҳмоналиев иқтидорли эканлигига қарамай, захира футболчисига айланди: 21 ёшли хавбек жорий мавсум РПЛда атиги 84 дақиқа ўйнади. У легионер сифатида ярим ҳимоядаги рақобатда ютқазмоқда. Шу боис қозонликлар футболчини сотиш ёки ижарага қўйиб юборишга шай бўлиб турибди. "Навбаҳор", "Пахтакор", "Бунёдкор" ва "Нефтчи" жамоалари уни таркибида кўришни хоҳлайди, лекин у ватаниша қайтишни истамаяпти. Футболчи Туркия ва Австралиядан вариантлар қидирмоқда – у ердан "Бодрум" ва "Вестерн Сидней Уондерерс"дан қизиқиш бор.

"Навбаҳор" легионер футболчимизни ортга қайтармоқчи