Бобуржон Омонов: "Мухлисларни соғиндик"
28 jul 2016 09:00
News

Бобуржон Омонов: "Мухлисларни соғиндик"

Ўзбекистон кубогининг чорак финалидан ўрин олган “Бухоро” – “Қўқон-1912” жамоалари ўртасидаги ўйиндан олдин “Бухоро” ҳимоячиси Бобуржон Омонов бўлажак ўйин тўғрисидаги фикри билан ўртоқлашди.

- Бизни жуда қийин ва муҳим ўйин кутиб турибди. “Қўқон-1912” жамоасига турнир жадвалидаги ўрнига қараб баҳо бериш тўғри эмас. Одатда битта ўйин тақдирини ҳал қилувчи кубок баҳсларида кутилмаган натижалар қайд этилиши мумкин. Қолаверса, давралар оралиғида бу жамоа анча яхши ижрочилар билан ўз сафини тўлдирди. Ана шу ҳолатнинг ўзи ҳам ўйин шиддаткорлигини таъминлайди.

Меҳмондаги голли дуранг бизнинг фойдамизга хизмат қилиши мумкин. Аммо биз нима бўлганда ҳам ғалаба учун майдонга тушамиз. Мухлисларимиз қаршисида ўйнар эканмиз бундан бошқасига ҳаққимиз ҳам йўқ. Давралар оралиғидаги танаффусда мухлислар билан бир-биримизни анча соғиниб қолдик. Дийдорлашувни эса ғалаба билан нишонлаш ёқимли бўлади, - дейди Бобуржон Омонов.

"Бухоро" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +5