Биринчи лига. Мавсумнинг энг яхши ўйинчиси: Виктор Клишин!
27 nov 2014 16:30
News

Биринчи лига. Мавсумнинг энг яхши ўйинчиси: Виктор Клишин!

Поёнига етган биринчи лига ўйинларини мавсум мобайнида сайтимиз орқали ҳар бир турини онлайн тарзда ёритиб боришга уриндик.

Буни қанчалик амалладик, муносиб баҳони ўқувчилар беришади. Лекин ҳар бир клуб расмийларидан бунинг учун миннатдорчилик эшитиб келдик.

Ортда қолган мавсум-2014да биринчи лига учрашувларини сайтимизда ёритиб борилишида асосий ишни бажарган 4 нафар ходимимиз турли номинациялар бўйича энг яхшиларни аниқлади.

Хусусан жорий мавсумнинг энг яхши ўйинчиси деб Виктор Клишин топилди. “Шўртан”нинг 32 ёшли ҳужумчиси бу йил ўз ҳисобига нақд 40та гол ёздириб қўйишга эришди. Табиийки ғузорликларнинг олий лигага қайтишида Викторнинг ҳам ҳиссаси катта бўлди. Шу боис Клишин бу борада 4 нафар футболчини ортда қолдирди. Жами 17 балл тўплаган ҳужумчи якунда биринчи ўринни эгаллади.

Энг яхши футболчи:
Виктор Клишин - 17 очко
Дониёр Усмонов - 15
Элдор Тожибоев - 13
Шаҳбоз Жумабоев - 8
Азиз Тўхтабоев - 7

Бугун кун давомида қолган номинация ғолибларини ҳам таништириб борамиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: