Биринчи лига. Битта ўйинда 9та (!) гол ўтказиб юборган “Ғаллакор-Автомобилчи” ҳақида

Ғаллаорол туман жамоаси гарчи ҳар йили мусобақада иштирок этиб келаётган бўлсада, мукаммал таркибга эга эмас. Турли сабабларга кўра, жамоа сафидаги ўйинчилар деярли ҳар мавсум бошида янгиланади. Табиийки шундай бўлавергач, жамоа мавсумни бир текис ўтказа олмайди. Хаттоки ўтган йили биринчи босқичдаёқ иштирокини тўхтатишга мажбур бўлиб, кейинчалик пулькада қатнашганди.

Бу йил жамоа бошқарув постига яна маҳаллий мураббий Фурқат Ўролов келиб, тажриба ва ёшлар иштирокида жамоа тузишга уринди. Гарчи ғаллаоролликлар кейинги босқичга чиқиш масаласини ижобий ҳал эта олган бўлсада, лекин бу билан уларни осмонларга кўтариш керак эмас бизнингча.
“Ғаллакор-Автомобильчи” биринчи босқичда бир ўйинда ўз дарвозасидан энг кўп тўп ўтказиб юборган жамоа сифатида тарихда қолди. 14-турда “Шўртан” майдонига сафар уюштирган ғаллаоролликлар шу куни ўз дарвозасидан жавобсиз 9 (!)та тўп ўтказиб юборди. Бу нафақат “Ғаллакор-Автомобильчи”ни балки биринчи босқичнинг энг йирик мағлубияти бўлди.

Лекин бу жамоа мухлис йиғиш борасида етакчилар сафидан ўрин олади. Ғаллаорол туманида маҳаллий аҳоли футболни жуда севади. Чунки жамоанинг ҳар бир уй ўйинига ўртача 2000дан зиёд мухлис ташриф буюрди. Бу биринчи лига доирасида ижобий натижадир.

Жамоада ёши катта футболчи Баҳриддин Раҳмонқулов бўлди. Кўп йиллар давомида жамоа учун ўйнаб келаётган 33 ёшли футболчи шу билан бирга жамоада ўйновчи мураббий вазифасини ҳам бажаради.

Аксинча энг ёш футболчи Иззатулла Шавкатов бўлди. 1997 йили туғилган футболчидан мураббйиларнинг умиди катта.
“Ғаллакор-Автомобильчи” сафида биринчи босқичда тўпурарлик маҳоратини кўрсатган футболчи Солижон Хайруллаев бўлди. 23 ёшли ҳужумчи ўз ҳисобига 11та гол ёздириб қўйди. Шундан 2тасини пенальтидан киритган.   

Ким қанча гол урди? 

Футболчи	Гол	Пен.
Соли Хайруллаев	11	(2)
Фарҳод Усмонов	4
Абдурасул Абдуғаниев	4	(2)
Азизбек Маликов	3
Искандар Алимбоев	2
Рашид Ғофуров	2
Зафар Нарзиқулов	1
Иброҳимжон Негматов	1
МадаминХожибоев	1

Қуйида жамоанинг биринчи босқичда қайд этган натижаси билан батафсил танишиш имкониятига эга бўласиз.

Ўйинлар	22
Голлар	30
Уйда	21 (70%)
Сафарда	9 (30%)
Ўтказиб юборилган голлар	39
Уйда	14 (35,9%)
Сафарда	25 (64,1%)
Ўртача урилган голлар	1,36
Ўртача ўтказиб юборилган голлар	1,77
Уйдаги очколар	15/33 (45,45 %)
Сафардаги тўпланган очколар	10/33 (30,3 %)
Энг йирик ғалаба	6:1 – “Ғиждувон”
Энг йирик мағлубият	0:9 – “Шўртан”
Гол ўтказмаган ўйинлар	5 (22,73%)
Гол ура олмаган ўйинлар	9 (40,91%)
Иродали ғалаба	1
Иродали дуранг	2
Иродасиз мағлубият	1
Иродасиз дуранг	0
Йирик ғалаба	3
Йирик мағлубият	2
Автогол (урилган/ўтказиб юборилган)	1/1
Огоҳлантириш (ўртача)	43 (1,95)
Четлатиш (ўртача) – Тўғридан-тўғри/2СК	0 (0) – 0/0
Мухлислар (жами/ўртача)	47468/2158

Исломбек РУСТАМБЕКОВ тайёрлади.