Latest news

08:16Суперлига. Бугун Қашқадарё дербиси бўлиб ўтади  0 07:44Криштиану Роналду яна бир совринга эга чиқди  0 01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  6 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  4 22:21Виктор Карпенко: "Илк гол сабаб биринчи бўлимда тўртта ўтказдик"  7 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  62 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  44 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1

“Бир футболчи тарихи”. 15 ёшида Ўзбекистонда “энг яхши ёш футболчи” бўлган Ислом Кенжабоев ҳақида News

“Бир футболчи тарихи”. 15 ёшида Ўзбекистонда “энг яхши ёш футболчи” бўлган Ислом Кенжабоев ҳақида

2019 йилнинг март ойида Ўзбекистон Суперлигаси доирасида “Насаф” – “Сўғдиёна” учрашувини томоша қилиб ўзим учун бир футболчини кашф қилгандим.

Ўйиннинг 78-дақиқаси, ҳисоб 2:1 – “Насаф” олдинда. Чап қанотдан ёш иқтидор бир неча футболчиларни алдаб жарима майдончаси ичига кириб борди ва гол урди.


Ўша голдан сўнг уни “ўзбек Мессиси” ҳам дейишди, терма жамоанинг келажагига ҳам чиқариши. 20 ёшли футболчи ўз иқтидорини аввал ҳам яхшигина намойиш эта олганди, бу гол эса уни оммага чинакамига танитди. Ким ҳақида гап кетяпти дейсизми? Бу – Ислом Кенжабоев. 


Ислом Кенжабоев – ким ўзи у?

Қаҳрамонимиз 1999 йилнинг 1 сентябрь куни Навоий вилоятида туғилган. Футболга қандай кириб келгани ҳақида Исломнинг ўзи аввалроқ сайтимизга берган интервюсида шундай деган эди: “Ёшлигимда кўча-кўйда футбол ўйнаб юрар эдим. Бу қизиқишларимни дадам кўриб, Навоийдаги ўша вақтдаги энг яхши мураббийлардан бири Петровичнинг олдига олиб бордилар. Лекин, дастлаб ўша мураббий мени қабул қилмади. Кейин эса Жасур Жалолиддиновнинг уйи олдидаги майдонга олиб боришди. У ерда иккита мураббий бор эди – Ҳасан ака ва Асрор ака. Айнан шу мураббийлар мени қабул қилишди”. 



Клублардаги фаолияти ҳақида

Ислом дастлаб 2012 йилда “Бунёдкор”, “Пахтакор” жамоалари кўригидан ўта олмагач, “Насаф” клубига борган. Қарши жамоасига боргач бир синов ўйинидан сўнг футболчини жамоада олиб қолишган. Бир неча йил “Насаф” жамоаси академиясида футбол сабоқларини олган Кенжабоев кейинчалик U-21 яъни ёшлар жамоаси сафида ўйнай бошлади. 2014 йилда Ўзбекистонда “йилнинг энг яхши ёш футболчиси” сифатида тан олинган. Унинг бу совринни қўлга киритишига 2014 йилда бўлиб ўтган Осиё чемпионати мусобақаси катта рўл ўйнаган. “Тўғрисини айтсам, энг яхши ёш футболчи ғолиблиги менга берилишини кутмагандим. Бунинг учун футболимиз раҳбарларига миннатдорчилигимни билдираман. Лауреатларни тақдирлаш маросимидан ажойиб хотиралар қолди. Менга берилган бундай мукофот учун ўз устимда бундан-да кўпроқ ишлашим керак. Бу унвон бежизга берилмаганлигини исботлаш учун қўлимдан келганича ҳаракат қиламан” – деган эди совринни қўлга киритгандан кейин берган интервюсида.

2017 йили “Насаф”нинг асосий жамоасига ўтказилган футболчи жамоанинг етакчиларидан бирига айланишга улгурди. Статистикаларга назар ташлайдиган бўлсак, 2018 йилги мавсумда 17 учрашувда майдонга тушиб 1 гол муаллифи бўлган. 2019 йили эса 10 ўйинда майдонга тушиб 1 гол муаллифига айланган. Унинг порлаган, омма эътиборига тушган 2020 йилда эса футболчи 26 учрашувда қатнашди ва 5 гол ҳамда 2 та голли узатмага муаллифлик қилган. 

Ўзбекистонда 2020 йилги мавсум якунлангач Кенжабоевнинг легионерга айланиши ҳақида гап-сўзлар кўпайди. Бу каби фикрлар эса ўз тасдиғини топди ва футболчи Жанубий Кореянинг “Чежу Юнайтед” жамоаси футболчисига айланди. 


Терма жамоадаги фаолияти ҳақида

Ислом Кенжабоев U-16 термаси сафида 2014 йилда Осиё чемпионатида иштирок этган. 2020 йилнинг аввалида эса U-23 сафида ҳам Олимпияда йўлланмаси ўртага тикилган Осиё чемпионатида қатнашган эди. “Осиё чемпионатига яхши тайёргарлик олиб бордик. Барчаси юқори даражада ташкиллаштирилди. Ўртоқлик ўйинлари ҳам етарлича ўтказилди, деб ўйлайман. Асосийси – жамоамиздаги йигитларда иштиёқ кучли ва барча фақат чемпион бўлиш ҳақида ўйлаяпти. Йигитлар шижоатга тўла. Бу ерга нима учун келганимизни ҳамда зиммамизда қандай масъулият турганини яхши англаб турибмиз. Биринчи галда юртимиздаги кўп сонли мухлисларни ғалабалар билан хурсанд қилишга уринамиз” – деган эди мусобақадан олдин берган интервюсида.

Миллий терма жамоамиз сафидаги дебют учрашувини эса 2018 йили Эрон миллий терма жамоаси билан бўлиб ўтган ўртоқлик ўйинида ўтказган. Кенжабоев ўша учрашувнинг 88-дақиқасида Жалолиддин Машарипов ўрнига майдонга тушган. 


Оғабек Самисов тайёрлади

Rating: +11   

Comments

championat.asia
< show latest news
Яндекс.Метрика