Latest news

00:48Гризманн Ла Лигада Мессининг рекордини янгилади  1 00:20Суперлига. "Сўғдиёна" сафарда мағлуб бўлди, "Пахтакор" яна ютқазди, "Насаф" ва "Нефтчи"да голсиз дуранг  2 00:20АПЛ клуби "Реал"дан Гюлерни сотиб олмоқчи  0 23:53"Реал" — "Леганес". Лунин, Гюлер ва Мбаппе асосий таркибда  14 23:45"Лечче" — "Рома". Таркиблар маълум  3 23:28РПЛ. ЦСКА ўз уйида "Динамо Махачкала"ни мағлуб этди, Файзуллаев 87 дақиқа ўйнади  15 23:25Асрор Алиқулов: "Сўғдиёна" бугун бор кучи билан ўйнашини тахмин қилгандик"  1 23:14Иван Бошкович: "Натижага мен жавоб бераманми, демак таркибни ҳам мен танлайман"  5 23:02"Локомотив" ҳозир фақат қоғозда Про лига фаворити, бизга қарши барча жамоа кураш тақдим қилади" — "Темирйўлчилар" янги футболчиларни таништирди   1 22:48Эрон Про лигаси. "Истиқлол" ўз уйида "Хейбар"ни енга олмади, Машариповдан ассист  3 22:25Суперлига. "Динамо" сафарда "Пахтакор"ни мағлуб этиб, турнир жадвалининг учинчи ўрнига кўтарилиб олди  95 22:04Назорат ўйини. Ўзбекистон U-17 иродали тарзда Жанубий Кореяни мағлуб этди  6 21:58Суперлига. "Машъал" супергол эвазига пенальтидан гол уролмаган "Сўғдиёна"ни мағлуб этди  9 21:56Озарбайжон чемпионати. Ўзбекистонликларга аталган ўйинда "Сумқайит" ва "Сабаҳ" ўзаро дуранг ўйнади, Абдихолиқовда гол, Раҳмоналиевда эса дубль  3 21:38"Ман Сити" 60 млн евролик трансфер бўйича музокараларни бошлади  0

Беларусь. Абдихолиқовдан навбатдаги гол, ҳамюртларимиз учун 8-тур қандай ўтди? News

Беларусь. Абдихолиқовдан навбатдаги гол, ҳамюртларимиз учун 8-тур қандай ўтди?

Беларусь чемпионатининг 8-тур учрашувлари ниҳоясига етди.

Ўзбек футболчиларидан 4 нафари тўп тепадиган "Энергетик-БГУ" жамоаси муваффақиятли натижалар кўрсатишда давом этмоқда. Бу сафар Анатолий Юревич шогирдлари ССК "Олимпийский" аренасида "Минск"ни 2:0 ҳисобида мағлуб этди.

Ғалабада тўрт нафар ўзбек футболчиларидан уч нафари фаол иштирок этди. Афсуски, Аббосбек Жумақулов ҳалигача асосий таркибда ўйнашга тайёр эканини мураббийлар штабига исботлай олмаяпти. У 3 марта асосий таркибдан, 4 марта захирадан майдонга тушган (ўртача ўйин вақти — 45 дақиқа) ва битта гол урган.

Абдуқодир Ҳусанов "Минск"га қарши баҳсда яна ажойиб ўйин кўрсатди. Футболчи тўлиқ 90 дақиқа марказий ҳимоячи позициясида ҳаракатланди ва 73% аниқ узатмалар қайд этди (8 узатмаси рақиб жарима майдончаси зонасига, 2 узатмаси кескинлаштирувчи), яккакурашларда 47%, 21 марта тўпни жамоасига қайтариб олиб берди (жамоадаги учинчи кўрсаткич) ва 5 марта тўпни илиб кетди, 3 марта рақибларини қоидани бузишга мажбур қилди. Рақиб дарвозаси томон 1та аниқ зарба йўллади (xG 0,07).



Шохруҳбек Абдураҳмонов ҳам тўлиқ ўйнади. Ярим ҳимоячи "Энергетик-БГУ"нинг бошқа футболчиларига нисбатан тўп билан кўпроқ муомалада бўлди (83 ҳаракат). Дарвозага 3 марта аниқ зарба йўллади, 11 ҳаракатидан 8 тасида муваффақиятли алдаб ўтишни амалга оширди — нафақат жамоасида, балки баҳсдаги энг яхши натижа (Шохруҳ рақиблари ичида айниқса Никита Халимончикни алдаб (3 бора) ўтди, "шаҳарликлар" майдони томонда 5 маротаба тўпни жамоасига олиб берди ва бир марта рақиб жарима майдонида тўпга тегди. Шунингдек, иккита муваффақиятли муҳим узатма берди.

Яккакурашларда Абдураҳмонов у қадар ишончли кўринмасди. Ҳимояда у 67 % курашда устун келган бўлса, нейтрал тўплар учун ҳаракатда бирор марта ҳам рақибидан омадлироқ бўлмади. Шу билан бирга, унинг ҳисобида 3та "подкат" бор.

Учрашувнинг бош қахрамони, одатдагидек, Бобир Абдихолиқов бўлди. Биринчидан, тўпурар ҳисобига яна битта гол ёзиб қўйилди. Иккинчидан, у бунданда кўпроқ гол уриши мумкин эди. Унинг xG`си — 2.66 ("Минск" жамоасида бу кўрсаткич 0.28). Бундан кўриниб турибдики, ўзбекистонлик футболчи яна битта гол уришга яқин эди. Бобир етти бор рақиб жарима майдончасида тўп билан муомалада бўлди ва Алексей Козлов дарвозасига 6та зарба берди, улардан 4таси нишонга аниқ борди. Қизиқ томони, 23-дақиқада ҳужумчи сониялар ичида бир нечта зарба берди – кипер ҳам ишончли ўйнади. "Минск"нинг барча ўйинчиларини қўшиб ҳисоблаганда, "Энергетик" дарвозасига 5та зарба бергани (улардан 1 тасигина аниқ бўлгани)ни таъкидлаш лозим.

Шунингдек, Абдихолиқов биринчи голда бевосита иштирок этди. У жарима майдончаси ичига ёриб кириб, Козловни шошириб қўйди ва у осонлик билан тўпни ўтказиб юборди. Энди Абдихолиқов ҳисобида 9та гол бор!




Ғалаба ва рақибларнинг қоқилиши "Энергетик-БГУ"ни иккинчи поғонага қайтарди. Жамоа ҳисобида 16 очко мавжуд. "Талабалар" "Шахтер" ва Минскнинг "Динамо"сини 1 очкога ортда қолдирмоқда. БАТЭдан эса 4 очко қолиб кетишмоқда. Чемпионат етакчиси, яна Шохбоз Умаровсиз, "Торпедо-БелАЗ" билан дуранг ўйнади.

"Энергетик" тарихида ҳали ҳеч қачон олий лигада бундай зўр старт олмаган. Ўтган йил 8-турдан кейин жамоа ҳисобида бор йўғи 6 очко бор эди, 2020 йил — 15 очко, 2019 йил – 6 очко, 2005 йил – 2 очко, 2004 йил – 10 очко, 2003 йил – 5 очко, 2002 йил – 5 очко.

Кейинги турда "талабалар" "Арсенал"га қарши майдонга тушадилар.


Championat.asia сайтининг Беларусь мамлакатидаги мухбири Андрей Масловский тайёрлади

Нозима Зарипова таржимаси

Rating: +10   

Comments

championat.asia
< show latest news
Яндекс.Метрика