Бахтиёр Ашурматов: "Финалда имкониятлар 90-10 "Пахтакор" фойдасига"
19 dec 2020 17:48
News
![](https://championat.asia/upload/storage/610455_original.jpg)
![](/upload/storage/610455_220.jpg)
Бахтиёр Ашурматов: "Финалда имкониятлар 90-10 "Пахтакор" фойдасига"
Ўша йили Бахтиёр Ашурматов мураббийлигидаги АГМК жамоаси ўз тарихида илк бор Ўзбекистон кубогида ғолиб чиққанди. Ушбу муваффақият қандай қўлга киритилганди? Эртага кимнинг имкониятлари юқори? Биз бу борада мутахассис фикрига қулоқ тутдик ва АГМК билан ўз вақтида кубок финалида "Пахтакор"дан устун келган Бахтиёр Ашурматовга юзландик.
"Эртанги ўйинда катта эҳтимол билан "Пахтакор" ғалаба қозонади. Чунки, ҳозирги пайтда "Пахтакор" Ўзбекистонда бошқа жамоалардан ҳар томонлама кучли. АГМК агар ғалаба қозонса ҳақиқий мўжиза бўлади. Фоиз хисобида 90-10 "Пахтакор" фойдасига. Натижа қанақа бўлишидан қатъий назар иккала жамоа иштирокида ҳам чиройли футбол кутиб қоламиз.
2018 йил АГМКнинг ғалабасига ҳеч ким ишонмаган эди. "Пахтакор" эса ғалаба қозонамиз деб катта ишонч билан келган. Кўпчиликнинг бизга ишонмагани бизга қўл келган эди дейишим мумкин. Ўйинга чиқишдан олдин руҳлантиришда футболчиларга: бизга хеч ким ишонмаяпти, ўйиндан олдин бизни мағлуб бўлган жамоага чиқариб қўйишди, финалда эса биз жамоа сифатида нимага қодир эканлигимизни исботлаш учун ажойиб имконият деганман. Йигитларга ўз ғуруримиз, жамоа шаъни учун курашишларини илтимос қилган эдим. Бу ўйинда ғалаба қозонишимизга сабаб кучли руҳий тайёргарлик, майдонда тинимсиз меҳнат, яккакурашларда ғолиб чиқиш ва футболчилар билан бир биримизга бўлган ишонч, жамоадаги аҳиллик, ўйиндаги интизом сабаб бўлган",- дейди Бахтиёр Ашурматов.
Similar news
![AMP Logo](https://championat.asia/image/logo-amp.png)
Comments