"Барселона" ёзда Роберт Левандовски билан хайрлашадими?
12 may 2024 15:15
News

"Барселона" ёзда Роберт Левандовски билан хайрлашадими?

"Барселона" яқин вақтларда ҳужумчи Роберт Левандовскининг клубдаги келажагини ҳал қилишни режалаштирмоқда.

Каталонияликлар раҳбарияти польшалик форварднинг юқори шартнома шартларидан хавотирда. Клуб бошқа форвард харид қилиш учун пул маблағларини енгиллаштириш мақсадида жорий мавсум сўнггида Левандовски билан хайрлашиш имкониятини ўрганмоқда.

Қайд этилишича, каталонияликлар бош мураббийи "Барселона" ўйинини келаси мавсум учун қайта қуришни режалаштирмоқда ва унда полякка жой топилмаслиги мумкин. "Барселона" раҳбарияти Левандовскига ҳурмат билан қарайди, шу сабаб воқеалар ривожининг бошқа вариантини ҳам кўриб чиқмоқда: маошни камайтиришни таклиф қилган ҳолда Левандовскини таркибда сақлаб қолиш, аммо бу футболчини қониқтириш эҳтимоли паст.

35 ёшли Левандовки 2022 йилдан бери "Барселона"да ўйнайди. Унинг клуб билан шартномаси 2026 йилга қадар мўлжалланган. Роберт жорий мавсум барча мусобақаларда 45та ўйинда майдонга тушиб, 24та гол ва 9та ассист қайд этди.

Link :

Source : Sport.es

Receive latest football news directly on your phone. Subscribe for our Telegram channel!

Rating: +1