"Барселона" Малкомнинг нархини маълум қилди

Бу ҳақда ESPN нашри хабар бермоқда. Каталонияликлар 22 ёшли хавбекни сотишга тайёр. Агар сотиб олмоқчи бўлган жамоа 41 млн. евро тўласа, Малкомни қўйиб юборади, дейилади клуб расмий сайтида. "Барселона" бразилиялик футболчини айнан 41 миллион евро эвазига Франциянинг "Бордо" клубидан харид қилган эди. 

Малком ёзда жамоасини ўзгартиришни режалаштирмоқда. Унинг агенти аллақачаон футболчининг хизматини Европа клубларига таклиф қилган. Ҳозирча 22 ёшли ярим ҳимоячига "Арсенал", "Рома", "Интер", "Милан", "Тоттенхэм" ва "Эвертон" каби жамоалар ва Хитой клубидан қизиқиш бўлмоқда.  Маълумот учун, Малком жорий мавсум 12 ўйинда 1 та гол урди ва 2 марта голли пас муаллифига айланди.