"Барселона" Дембеле учун сўнгги таклифни тайёрламоқда

Клуб ва футболчи янги шартнома борасида келиша олишмаган. Раҳбарият эса айни дамда футболчининг ўрнини тўлдириш учун яхши вариант топа олмаяптию

Шу сабабли улар футболчини таркибда олиб қолиш учун навбатдаги уринишни амалга ошириб кўради. Ҳозирда клуб молиявий шартлари яхшиланган шартнома тайёрламоқда. Улар футболчига 31 декабрга қадар вақт беради. Агарда бу вариант футболчига маъқул келмаса, қишда исталган жамоасига кетиши мумкин бўлади.

Дембеле билан шартномани узайтиришнинг асосий муаммоси сифатида қўшимча пуллар келтирилмоқда. Футболчи ўйнамаётган ойлари учун "Барселона" унинг маошини камайтириш ниятида, бироқ клуб кейинчалик унга ушбу пулларини бонус сифатида тақдим қилишни таклиф қилган.

Эслатиб ўтамиз, футболчи қишда катта эҳтимол билан "Ньюкасл"га ўтиши кутилмоқда. Шунингдек, у "Челси", "Манчестер Юнайтед", "Бавария" каби клублар вакиллари билан ҳам учрашган.