"Барса" "Осасуна"га қарши ўйинни 26 апрель ёки 21 май куни ўтказиши мумкин. Баҳс "блауграна" шифокорининг ўлими туфайли қолдирилди

Агар каталонияликлар Испания кубоги ва Чемпионлар лигаси финалига чиқса, унда ўйин 21 май куни бўлиб ўтиши мумкин.

Агар "блауграна" ЕЧЛ 1/8 финалидан чиқиб кетса ва кубок финалига чиқа олмаса, Памплона клуби билан учрашувни 26 апрель куни - мамлакат кубоги учун ҳал қилувчи ўйин куни ўтказиш мумкин.

Дастлаб "Барселона" - "Осасуна" учрашуви кеча бўлиб ўтиши керак эди, аммо ўйин мезбонлар тиббий штаби аъзоларидан бирининг вафоти туфайли қолдирилди.

Испания кубогининг биринчи ярим финалида "кўк-анорранглилар" ўз майдонида "Атлетико" билан 4:4 ҳисобида ўйнади, ЕЧЛ 1/8 финалининг биринчи ўйинида эса меҳмонда "Бенфика"ни мағлуб этишди (1:0).