"Барса" Кундега қўшимча равишда ўнг қанот ҳимоячиси қидирмоқда. Клуб француздан мамнун, аммо кўп сонли ўйинлар фонида позицияни мустаҳкамламоқчи

Инсайдер Фабрицио Романонинг маълум қилишича, каталонияликлар ёзда Жюл Кундедан ташқари яна бир ўнг қанот ҳимоячиси билан шартнома имзолаш вариантини кўриб чиқмоқда.

Футболчилар билан дастлабки алоқалар ўрнатилмоқда. Шу билан бирга, клуб франциялик футболчидан мамнун экани, аммо келаси мавсумда кўплаб ўйинлар ўтказилишини инобатга олиб, яна бир футболчини қўшиб қўйишни исташи таъкидланган.

Жорий мавсумда Кунде Ла Лигада 26 та ўйинда майдонга тушиб, 2 та гол урди ва 3 та голли узатмани амалга оширди.