"Барса" форварди – "Лидс"нинг ашаддий мухлиси, ўйинларимизни қолдирмай кўради. У ҳаттоки мени футболкамни сўраган" - Патрик Бэмфорд

"Фулхэм"га қарши ўйиндан кейин Илан Мелье (Дембеленинг Франция ёшлар жамоасидаги шериги) шундай деди: "Илтимос, футболкангни менга бер".

Мен: "Албатта, ҳеч қандай муаммо йўқ, лекин ким учун?". У: "Дембеле". Мен: "Тўхта, кимга?". У: "Барселона"да ўйнаётган йигитга".

Хайрон бўлдим, мен: "Унга мени футболкам керак эканми?". Мелье жавоб берди: Дембеле сени ва Кэлвин Филлипснинг футболкасини сўради, чунки у "Лидс"нинг ашаддий мухлиси ва ўйинларни қолдирмай кўриб боради.

Мен такроран сўрадим: "Жиддий айтяпсанми? Хоп, лекин менга ҳам унинг футболкасини олиб келасан". Орадан маълум вақт ўтиб, Илан менга "FaceTime"дан қўнғироқ қилди ва "Барса" футболкасини кўрсатди, футболкада шундай ёзув бор эди: "Дўстим Бэмфорд учун Дембеледан", – деди "Лидс" форварди.