Баркли жароҳати туфайли олти ҳафта майдонга тушмаслиги мумкин

Хабарларга кўра, ўйинчининг оёқ бармоғи шикастланган.

“Росснинг бармоғи синган бўлиши мумкин, шу сабабли у бир неча муддат майдонга туша олмайди. Жароҳатнинг оғирлик даражасини кўриш учун эса Росс қайта тиббий кўрикдан ўтказилади. Барклининг жароҳат Лейтон Бейнсникига жуда ўхшаб кетаяпти. Шу сабабли унинг жиддийлигидан қўрқаяпман.

Баъзан тўғри муолажа ва даволаш орқали ўйинчилар тезда тикланиб кетишган. Бироқ акс ҳолда тикланиш жараёни бир неча ҳафтагача жўзилиши ҳам мумкин”, - дейди бош мураббий Роберто Мартинес.

Эслатиб ўтамиз, ушбу мавсумда “Эвертон” таркибида 21 ўйинда майдонга тушган Баркли 4 та гол уришга эришган.