Азизбек Ҳайдаров: "Бунёдкор" - "Ал Шабаб" учрашуви қандай тугашидан қатъий назар мен хурсанд бўламан"
02 dec 2015 10:00
News

Азизбек Ҳайдаров: "Бунёдкор" - "Ал Шабаб" учрашуви қандай тугашидан қатъий назар мен хурсанд бўламан"

ОЧЛ-2016 плей-оффида Ўзбекистоннинг "Бунёдкор" клуби БААнинг "Ал Шабаб" клуби билан ўйнайди. Ушбу клубда ўйнаётган ҳамюртимиз Азизбек Ҳайдаров учрашувдан олдин ўз фикрларини билдирди.

"Плей-офф учрашувида "Бунёдкор"га қарши ўйнаймиз. Тўғри ўйинда битта жамоа ғолиб бўлади. Лекин қайси жамоа ютса ҳам мен хурсанд бўламан. Менимча ўйин жуда қизиқ бўлади. "Бунёдкор" жамоаси доим олий мақсадлар сари, "Ал Шабаб" эса юқори мақсадлар сари интилади.

Учрашув 9 февраль куни Тошкентда бўлади. Совуқ ҳарорат "Ал Шабаб"га таъсир қилмаса керак. Тошкентда "Бунёдкор" мухлислари қаршисида ўйнаймиз.

Футболда ўз собиқ клубига қарши ўйнаш ҳолатлари жуда кўп кузатилади. Бу одатий ҳолга айланиб қолган, бунга эътибор ҳам берилмайди. Бизда эса кам учрагани учун кўпроқ урғу берилади.

Ўйинда барчага омад тилаб қоламан. Ким кучли бўлса ўша жамоа ғолиб бўлсин", - дейди Азизбек Ҳайдаров.

Link :

Source : championat.asia

Receive latest football news directly on your phone. Subscribe for our Telegram channel!

Rating: +11