Азиз Ҳайдаров: “Мана кўрасиз, Осиё чемпиони бўлган укаларимиз барчамизнинг юзимизни ёруғ қилишади”

“Ўзбекистон халқини чин юрагимдан муборакбод этаман. Уларга шундай улкан ғалабалар ярашиб туради. Биз эплай олмаган ва биз ютолмаган совринлар укаларимизга насиб қилса, бошимиз кўкка етади. Мен ишонаман, улар 2022 йил Қатарда бўлиб ўтадиган Жаҳон Чемпионатига ҳам боришади ва барчамизнинг юзимизни ёруғ қилишади”, — дейди Азиз Ҳайдаров.

“Қилинган хатолардан кўзимиз очилса, тўғри йўлга тушиб олсак, Худонинг ўзи ишимизни юриштиради. Осиё Чемпионатини бутун оила-аъзоларимиз билан бирга кўрдик ва финалдан кейин байрам қилдик. Мен футболчиларнинг ҳар бирига, нафақат ўзларига, балки ота-оналарига ҳам раҳмат айтишни истардим. Умид қиламанки, улар яхши ният билан битта мақсад йўлида ҳаракат қилишда давом этишади ва барчамизнинг бахтимизга саломат бўлишади”.