Азар кетмасдан туриб 10-рақамнинг эгаси пайдо бўлди
05 jun 2019 17:40
News

Азар кетмасдан туриб 10-рақамнинг эгаси пайдо бўлди

"Челси" ҳужумчиси Каллум Хадсон-Одои бир неча жамоалардан қизиқиш борлигига қарамай клубдан кетиш нияти йўқ.

Англиялик футболчи бир қарорга келди ва мавсумни "кўклар" таркибида бошламоқчи. Футболчининг амалдаги шартномаси 2020 йил ёзида ўз ниҳоясига етади. Хадсон-Одои бу шартномани узайтирмоқчи. Бундан ташқари, ёзги трансферлар мавсумида жамоадан кетиши кутилаётган Эден Азарнинг рақамини ҳам олишни истамоқда.

Хадсон-Одои апрелда "Бёрнли"га қарши ўйинда олган жароҳати туфайли тикланиш жараёнида. У мавсум бошини ўтказиб юбориши ҳам мумкин.

Унга "Бавария" жамоаси қизиқаётганлиги борасида ҳам хабарлар бор.

Футболчи жорий мавсум барча турнирларда 25та ўйинда майдонга тушиб, 5та гол ва 3та ассистга эришган.

Link :

Source : Goal.com

Receive latest football news directly on your phone. Subscribe for our Telegram channel!

Rating: +14