Азар фаолиятидаги энг яхши ўйинни айтди

“ЖЧ-2018даги Бразилия устидан қозонилган ғалаба фаолиятимдаги энг яхшиси бўлган. Ўша баҳсда шунчалик зўр ҳаракат қилганимдан майдонда барчасига улгурган эдим. Худди терма жамоадаги бошқа футболчилар каби. Бразилия дунёнинг энг яхши терма жамоаларидан бири бўлгани учун ўша тўқнашувда биз фаворит ҳисобланмагандик. Иккинчи таймда муаммоларимиз бўлишига қарамай, бизга омад кулиб боққан эди. Барибир ушбу ўйинни фаолиятимдаги энг ёрқини бўлди деб бемалол айтаман. Муваффақиятимиздан сўнг, мухлисларимизга тақдим этган қувончимизни эса сўз билан таърифлаб бера олмайман.”, - дейди Азар L’Equipe’га берган интервьюсида.

Эслатиб ўтамиз, Бельгия 2018-йилги мундиалнинг чорак финалида “пентакампеонлар”ни 2:1 ҳисобида таслим қилганди.