Аёллар Биринчи лигаси-2021: АГМК-W II - ғолиб, “Нефтчи-W” Олий лига йўлланмасига эга бўлди
10 nov 2021 12:12
News

Аёллар Биринчи лигаси-2021: АГМК-W II - ғолиб, “Нефтчи-W” Олий лига йўлланмасига эга бўлди

Пойтахтдаги “Чиғатой” майдонида аёллар жамоалари ўртасидаги Биринчи лига баҳсларининг 15-тур учрашувлари якунланди.

Шу тариқа аёллар Биринчи лигасининг 2021-йилги мавсуми ғолиб ва совриндорлари номига аниқлик киритилди.

Унга кўра, Олмалиқнинг АГМК-W II жамоаси 35 очко жамғарган ҳолда Биринчи лига-2021 ғолибига айланди. Якунда 33 очко жамғарган Фарғонанинг “Нефтчи-W” жамоаси эса иккинчи поғонани банд этди.

Мусобақалар Регламенти 8.17-бандида кўрсатилганидек, клуб ва шу клуб қошидаги фарм-клуб қайд этган натижасидан қатъи назар бир лигада иштирок этишига йўл қўйилмайди. Шу боисдан АГМК-W II эмас, балки “Нефтчи-W” жамоаси Олий лига-2022 йўлланмасига эга бўлди.