Айман Ҳуссайн даҳшатли мағлубиятдан сўнг: "Бутун дунёнинг кўз ўнгида орзуларимизни ўғирлашди"
31 jan 07:29
News
![](https://championat.asia/upload/storage/778831_original.jpg)
![](/upload/storage/778831_220.jpg)
Айман Ҳуссайн даҳшатли мағлубиятдан сўнг: "Бутун дунёнинг кўз ўнгида орзуларимизни ўғирлашди"
Осиё кубоги нимчорак финалидан ўрин олган Ироқ - Иордания (2:3) ўртасидаги ўйиндан сўнг, учрашув антиқаҳрамони Айман Ҳуссайн ўзининг инстаграм саҳифасида вазиятга изоҳ берди. Эслатиб ўтамиз, Айман Ҳуссайн Иордания терма жамоаси дарвозасига урилган голни керагидан ортиқ нишонлаб юборгани учун иккинчи сариқ карточкасини олиб, майдондан четлатилганди.
"Нима юз берганини тушунолмай қолдим. Мусобақа билан хайрлашиш онлари жуда қийин бўлди. Биз бундай якун бўлишини хоҳламагандик. Мақсадимиз жуда юқори эди, анча узоққа боришни мақсад қилгандик. Улар бутун дунёнинг кўз ўнгида орзуларимизни ўғирлашди. Ироқлик барча мухлислардан узр сўрайман. Доҳада биз билан бўлган ва термамизни қўллаб-қувватлаганлар олдида кечирим сўрайман. Чунки биз қувончингиз тўлиқ бўлишини таъминлай олмадик", -деб ёзади Айман Ҳуссайн ўзининг инстаграм саҳифасида.
Маълумот учун, Иорданияга қарши баҳсда айнан Ҳуссайннинг қизил карточкасидан сўнг камчилик бўлиб қолган Ироқ терма жамоаси қўшиб берилган дақиқаларда иккита гол ўтказиб, даҳшатли тарзда мағлубиятга учраганди.
Журналистлар матбуот анжуманида Ироқ терма жамоаси бош мураббийига ҳужум қилишди
Осиё кубоги тўпурари Айман Ҳусcайн гол нишонлаш сабаб майдондан четлатилди. Нега?
Similar news
![AMP Logo](https://championat.asia/image/logo-amp.png)
Comments