Австралия Конфедерациялар кубоги-2017да иштирок этади
01 feb 2015 18:51
News

Австралия Конфедерациялар кубоги-2017да иштирок этади

2015 йилги Осиё Кубогида ғолиб чиққан Австралия терма жамоаси икки йилдан сўнг Россияда ўтадиган мусобақага йўлланма олди.

Хабарингиз бор, ҳар Жаҳон чемпионатидан бир йил олдин барча қитъа чемпионлари иштирокида Конфедерациялар кубоги мусобақаси ўтказилади.

2018 йилги мундиални қабул қилувчи Россия 2017 йил Конфедерациялар кубогини ўтказади. Бу мусобақада мезбонлар саралашсиз иштирок этишади.

2014 йил Жаҳон чемпиони бўлган Германия терма жамоаси ҳам йўлланмага эга бўлганди. Учинчи йўлланма эса Осиё Кубогини қўлга киритган Австралияга насиб этди.

Қолган йўлланмалар Жанубий Америка, Шимолий Америка, Европа, Океания ва Африка чемпионларига насиб этади.

Маълумот учун, айни пайтда ўтаётган Африка миллатлар кубоги ғолиби йўлланмага эга бўлмайди. Сабаби 2017 йил яна бир Африка кубоги ўтказилади.

2017 йилги Конфедерациялар кубоги 17 июндан 2 июлга қадар Россиянинг 4та шаҳрида бўлиб ўтади. Ўйинлар Москва, Санкт-Петербург, Қозон ва Сочи шаҳарларида ўтказилади.

Link :

Source : championat.asia

Receive latest football news directly on your phone. Subscribe for our Telegram channel!

Rating: