"Атлетико" суд орқали "Барселона"дан 80 млн. евро ундириб олмоқчи

Олдинроқ, Каталония клуби франциялик учун "матрасчилар"га 120 млн. евро ўтказиб берган эди, аммо пойтахт клуби қўшимча 80 млн. евро ундириб олмоқчи.

"Атлетико"дагиларнинг фикрича, "Барселона" 1 июлдан олдин Гризманн билан шартнома имзолаб бўлган. Антуаннинг нархи 1 июлдан бошлаб 200 млн. евродан 120 млн. еврога айланиши керак эди.

"Бугун Гризманнинг адвокати ЛаЛига штаб квартирасида бўлди ва битимни бир томонлама бекор қилди. У "Барселона" номида 120 млн. евро тўлади.

Бизнинг фикримизча, бу маблағ товон пулини тўлаш учун етарли эмас. Чунки "Барселона" ва Антуан товон пули 120 млн. еврога айланишидан олдин келишиб олишган.

Бу воқеа 14 май куни, футболчи клубимизни тарк этишини эълон қилганида содир бўлган. "Атлетико" ўз ҳуқуқларини ҳимоя қилиш учун ишга киришди" - дейилади мадридликлар расмий сайтида.