"Атлетико" Клопп бошчилигидаги "Ливерпуль"нинг 32та ўйинлик мағлубиятсиз сериясига чек қўйди
19 feb 2020 10:20
News

"Атлетико" Клопп бошчилигидаги "Ливерпуль"нинг 32та ўйинлик мағлубиятсиз сериясига чек қўйди

"Ливерпуль" Чемпионлар Лигаси 1/8 финал доирасидаги "Атлетико"га қарши илк ўйинда мағлубиятга учради.

Мерсисайдликларнинг барча мусобақалардаги 14 ўйинлик мағлубиятсиз серияси (13 ғалаба, 1 дуранг)га чек қўйилди.

Бундан ташқари "Ливерпуль"нинг асосий жамоаси Мадридга келгунига қадар 32та ўйиндан бери мағлубият нималигини билмай келаётганди.

"Қизиллар"нинг ёшлар жамоаси 17 декабрь куни Англия Лига Кубоги доирасида "Астон Вилла"да 0:5 ҳисобида мағлубиятга учрашган эди. Ўшанда Клопп ва унинг асосий жамоаси клублар ўртасидаги ЖЧга йўл олган эди.

Клопп бошчилигидаги "Ливерпуль" сўнгги бор сентябрда ЧЛ гуруҳ босқич доирасида "Наполи" (0:2)га имкониятни бой берган эди.

Эслатиб ўтамиз, Клопп бошчилигидаги ЕЧЛнинг амалдаги ғолиблари кеча "Атлетико" дарвозаси томон аниқ зарба ҳам бера олишмади.