“Аталанта” форварди: “Ёшлигимда “Арсенал”га мухлислик қилардим”

“Келажакда Англия Премьер-лигасида ўтаманми? Футболда ҳеч қачон ҳеч қачон демаслигинг керак. Ёшлигимда доимо Англия чемпионатини томоша қилардим ва “Арсенал” мухлиси эдим. Уларнинг ўйинини кўриш учун ҳар ҳафта охирида барвақт турардим”, дейди Сапата.

30 ёшли колумбиялик 2020 йил январидан бери “Аталанта”да ўйнамоқда. Унинг клуб билан амалдаги шартномаси эса 2023 йил ёзида тугайди. Сапата жорий мавсум клуб сафида 38 ўйинда майдонга тушиб, 14+12 натижага эришди.