Асрор Алиқулов: "Футболчиларни "Бухоро" билан ўйинга тайёрлашнинг ўзи бўлмади"

"Бухоро" жамоасини ўрганиб чиққан эдик. Ҳужумларини қандай ташкил қилишидан келиб чиқиб тактикани ўзгартирдик. Гол ура олмаганимиз руҳий жиҳатга боғлиқ, деб ўйлайман"

- Жавоҳир Ҳасанов бугун вазиятлардан фойдаланишга қийналди. Бу унинг жисмоний ҳолати пастлигидан даракми?

- Жавоҳир кўп хато қилгач руҳий тушкунликка туша бошлади. Устида ишлашда давом этиши керак. "Бухоро" футболчилари қайсидир вазиятларда ўйинчиларни йўқотиб қўяди. Буни кўриб чиқамиз. 

- Муҳриддин Зоиров вазиятларни кўкка совурди. Буни қандай изоҳлайсиз?

- Муҳриддин Зоиров ўзига имконият топиши, бошқача ҳаракат қилиши керак. 

- "Шўртан" ҳисобида ҳозир 1 очко бор. Натижалар жамоанинг кайфиятига қанчалик таъсир қилмоқда?

- "Турон"  билан 11га 11 яхши ўйнадик. Қизил карточкадан сўнг ақл билан тўп тепмадик. Футболчиларни бугунги ўйинга тайёрлаш осон бўлмади. Биз мураббийлар ҳам ҳали ўзимизга келганимиз йўқ. "Бухоро" аввалги рақибдан кучли бўлса кучлики, паст даражада эмас. Чарчаб қолиш тўп йўқотишдан сўнг пайдо бўлмоқда. Ақллироқ ўйнаш керак. Футболчиларнинг камчилиги бор.