Артур Юнусов: "Биринчи ўйиндаги ҳаяжон ўзимизни оқлаш учун асос бўлмайди"
11 feb 2016 10:00
News

Артур Юнусов: "Биринчи ўйиндаги ҳаяжон ўзимизни оқлаш учун асос бўлмайди"

Футзал терма жамоамизнинг етакчи аъзоларидан бири Артур Юнусов Саудия Арабистонига қарши бўлиб ўтган ўйиндан сўнг ўз фикрлари билан ўртоқлашди.

"Кўрганингиздек, ўйин қийин бўлди. Биринчи учрашувлар одатда доим қийин бўлади. Бироқ, бу ўзимизни оқлаш учун асос бўлмайди. Лекин, барибир йигитларга раҳмат. Иккинчи бўлимда барчаси жойига тушди ва ўзимизга келиб, ўз ўйинимизни намойиш эта олдик. Шунингдек, мухлисларимизга ҳам келиб бизни қўллаб-қувватлаб турганликлари учун раҳмат айтиб қоламан.

Олдинги турнирлар билан фарқ? Бу чемпионатда ЖЧга йўлланма берилади. Барча жамоалар ушбу турнирга ўзларининг энг кучли таркиблари билан ташриф буюрадилар. Турнирга ҳар ким турлича тайёргарлик кўрди. Қайсидир жамоа Осиёда, бошқаси Европада ушбу турнирга тайёргарлик кўрди. Ҳорижий мураббийларни таклиф қилишган. Умуман, Тошкентда ўтаётган ушбу турнир нафақат биз учун, рақибларимиз учун ҳам қийин бўлади", - дейди Артур Юнусов.

Азиз Тўхтамуродов

Link :

Source : championat.asia

Receive latest football news directly on your phone. Subscribe for our Telegram channel!

Rating: +4