Артур Геворкян – Ўзбекистон Чемпионатининг ўтган мавсумдаги энг яхши футболчиси
04 mar 2016 13:32
News

Артур Геворкян – Ўзбекистон Чемпионатининг ўтган мавсумдаги энг яхши футболчиси

Қаршининг "Насаф" клуби ярим ҳимоячиси ва сардори Артур Геворкян Ўзбекистон Профессионал Футбол Лигаси талқинига кўра Ўзбекистон Чемпионати-2015нинг энг яхши футболчиси деб топилди.

"Насаф" етакчиси мавсум давомида барқарор ўйин намойиш этди ва жамоанинг бронза медалларни қўлга киритишда катта ҳисса қўшди. Қаршининг "Насаф" клуби, шунингдек, Ўзбекистон Кубоги финалида Тошкентнинг "Бунёдкор" клубини мағлуб этди ва ўз тарихида илк бор ушбу совринни қўлга киритди. Мазкур финал учрашувида Геворкян ўз голи билан жамоаси ғалабасига катта ҳисса қўшди.

Таъкидлаш жоиз, Артур Геворкян ўз фаолиятида иккинчи маротаба Ўзбекистон Чемпионатининг энг яхши футболчиси сифатида эътироф этилмоқда. Бунгача, "Насаф" сардори 2013 йилда ҳам ушбу совринни қўлга киритган эди. Шунингдек, Геворкян 2014 йилги мавсумда миллий чемпионат тўпурари бўлган эди.

Link :

Source : the-uff.com

Receive latest football news directly on your phone. Subscribe for our Telegram channel!

Rating: +15