"Арсенал" Торрейрани сотишни режалаштирмаяпти
16 jun 2019 18:40
News

"Арсенал" Торрейрани сотишни режалаштирмаяпти

Лондон клуби раҳбарияти Лукас Торрейрани қўйиб юбормоқчи эмас.

Бу ҳақда Sky Sport Italia нашри маълумот берди. Унга кўра, уругвайлик ярим ҳимоячига "Милан" клуби қизиқмоқда. Бироқ, "Арсенал" раҳбарияти Торрейра билан ҳамкорликни давом эттириш ниятида эканлигини маълум қилган.

Лукас ўтган йили ёзда 30 миллион евро эвазига "Сампдория" жамоасидан келиб қўшилганди. 23 ёшли ўйинчи ўзининг дебют мавсумида АПЛнинг 34 та учрашвида қатнашди ва 4 очко тўплади (2 та гол, 2 та ассист). Унинг "Арсенал" билан шартномаси 2023 йилнинг 30 июнига қадар мўлжалланган.