"Арсенал" Торрейра бўйича бир қарорга келди
19 jun 2022 19:09
News

"Арсенал" Торрейра бўйича бир қарорга келди

"Канонирлар" уругвайлик ярим ҳимоячи Лукас Торрейра борасида қарор қабул қилишди.

Журналист Николо Скиранинг таъкидлашича, Лондон клуби Лукас Торрейранинг жамоада бўлишини режалаштирмаган. Бундан келиб чиқиб, ярим ҳимоячи ёзги трансфер ойнасида "Арсенал"ни тарк этиши керак бўлади.

Торрейра ўтган мавсумда "Фиорентина"да ижара асосида ўйнаганди.

Қайд этилишича, уругвайлик футболчини А Серияга чиққан "Монца" ҳамда "Рома" клуби таклиф қилган.

Лукас Торрейранинг "Арсенал" билан шартномаси 2023 йилнинг ёзига қадар амал қилади. Аввалроқ "Фиорентина" ярим ҳимоячини 15 миллион еврога сотиб олиш вариантини фаоллаштиришдан бош тортганди.

26 ёшли уругвайлик ярим ҳимоячи ўтган мавсумда "бинафшалар" сафида барча турнирларда 35 та ўйинда майдонга тушиб, 5 та гол урди ва 2 та голли узатмани амалга оширди.

Link :

Source : twitter.com/NicoSchira

Receive latest football news directly on your phone. Subscribe for our Telegram channel!

Rating: +2