"Арсенал" - "Мидлсбро". Арсен Венгер иштирокидаги матбуот-анжумани

Венгер ҳар доимгидек матбуот-анжуманига кечикиб келди ва гапни жароҳатланганлардан бошлади.

"Ҳаммага салом. Матбуот-анжуманини жароҳатланганлар билан бошласам. Санти Касорла оёғига зарба қабул қилиб олган ва у ҳақида бир нарса дейишим қийин. Гранит Жака майдонга тушмайди. У ўтган учрашувда қизил карточка олиб, майдондан четлатилган.

Жиру сешанба кундан машғулотларга қайтиши мумкин. Аарон Рэмси ҳам бир ҳафтани ўтказиб юборади, аммо унинг даволаниши яхши давом этмоқда. У "Сандерленд"га қарши баҳсда майдонга қайтса керак.

Алексис Сансес ва Месут Озил шартномасига тўхталадиган бўлсак, биз музокара ўтказяпмиз ва ўзимиз ҳам уларни жамоада олиб қолишни истаймиз. Озил ҳозир 28 ёшда ва энди фаолиятининг гуллаган даврида. У клуб келажагига хисса қўшишини истаймиз. Озил тўғри йўлда эканлигига ишонаман.

Премьер-лига жунглига ўхшайди ва бу ерда ҳамма сизни еб қўйиш ниятида яхшайди. Сиз доимо эътиборли бўлишингиз керак.

Яна жароҳатлар ҳақида тўхталмоқчиман. Биз сўнгги икки-уч йил ичида мушак жароҳатлари сонини камайтирдик ва бу ўсиш давом этади деб ўйлайман.

Озил ва Санчес? Мен ёздаги ўйинларни ҳисобга олиб бу икки футболчига қўшимча таътил бердим ва қарорим тўғри бўлди деб ҳисоблайман.

Дэнни Уэлбек жароҳати ҳақида гапирадиган бўлсам, унинг даволаниши яхши давом этмоқда, аммо у январда сафга қайтади" - дея сўзларига якун ясади Венгер.