"Арсенал" асосий ҳимоячиларидан бири учун мавсум якунланди

"Арсенал" ҳимоячиси Габриэл Магальяэс тиззаости мушаклари жароҳати туфайли жорий мавсум бошқа майдонга туша олмайди.

Габриэл сешанба куни АПЛ 30‑тури доирасида "Фулхэм"га қарши ўйинда жароҳат олди. Бразилиялик 16‑дақиқада алиштирилди.

— Габриэл тиззаости мушакларидан жароҳат олди ва вазиятга шифокорлар аралашуви талаб этилади. Яқин кунларда Габриэл жарроҳлик столига ётади, ундан кейин янги мавсум стартига тайёр бўлиш учун тикланиш дастурини бошлайди, — дейилади хабарда.

Габриэл жорий мавсум "канонирлар"нниг 45 ўйинида майдонга тушиб, 5 та гол урди ва 3 та голли узатма етказиб берди.