АПЛда Лукаку учун кутилмаган даъвогар пайдо бўлди

"Тоттенхэм" "Челси" ҳужумчиси Ромелу Лукакуга қизиқиш билдирмоқда. Бу ҳақда журналист Альфредо Педулла хабар берди.

Манбанинг хабарига кўра, Лондон клублари вакиллари эҳтимолий трансфер борасида аллақачон боғланишган. Томонлар эҳтимолий келишув шартларини муҳокама қилишган.

"Кўклар" Лукаку билан ҳисоблашмайди. "Ювентус" 30 ёшли ҳужумчи учун асосий даъвогар саналади, бироқ туринликлар футболчининг трансфери борасида "Челси" билан ҳали келишиб олгани йўқ. Ўз навбатида, "Тоттенхэм" "Бавария"га ўтган Ҳарри Кейнга ўринбосар қидирмоқда.