Анзур Исмоилов: "Мухлислик учун жамоа танлашда аёлим ва болаларим мени мағлуб этишди"

"Локомотив" жамоаси шифокори Аброр Пирриев ўзининг телеграм каналида қуйидаги постни эълон қилди.

ЖЧда бугунга белгиланган баҳс ҳақида ўйладиму: Ким, қачондан буён Марокашга мухлислик қилаётганини билмадиму, лекин Анзур Исмоилов аввалбошдан шу термага ишқибозлик қилаётгани аниқ, деган ўй хаёлимдан ўтди. Чунки марокашлик турмуш ўртоғи ватан жамоасига мухлислик қилиб тургандан кейин...

Тахминимни текшириб кўриш учун Анзурга қўнғироқ қилдим:

— Албатта Марокашга, – дадил жавоб берди у. Суҳбат баҳонасида оила даврасидан сал четроққа ўтди шекилли, гурунг охирида қўшиб қўйди: – Турмуш ўртоғим ва болаларимга қўшилиб мен ҳам Марокаш томонман деб турсам-да, аслида ўзим Бразилияга мухлислик қилаётгандим. Буни қаранг, қовун тушириб қўйишди. Энди эса фақат Марокаш деб турибман. Хуллас, мухлислик учун жамоа танлашда аёлим ва болаларим мени мағлуб этишди...

Яна қанча тўптепаримиз мухлис жамоа масаласида турмуш ўртоғига ютқазди экан, а..?