Анхель Лопес: "Бугунги ўйин нима сабабдан 20:00 эмас, 19:00да бошланганини тушунмадим"

- Ўйиндан ўйинга ўсиб боряпмиз. Бироқ бугун ўз ўйинимизни кўрсатишимиз қийин бўлди. Бугун жуда қийин об-ҳаво шароитида ўйнадик. Бугунги ўйин соат 19:00 да бошланди, одатда, учрашувлар 20:00 дан кейин режалаштириларди. Бугун ўта иссиқ ҳавода кураш кечди. Бу ҳавода ўзимиз истаган ўйинни кўрсата олишимиз қийин бўлди, лекин биз ўз узлубимизда майдонда қўллашга ҳаракат қилдик. Биринчи бўлимда вазиятлар яратишда қийинчиликларга дуч келдик, аммо иккинчи бўлимда ўз услубимизга қайтдик ва юқори прессинг ҳамда ҳужумлар ташкил қила бошладик. 

- Биринчи даврадан сўнг "Сурхон" ўз олдига қўйган мақсадини амалга ошира олдими?

- Бизда гол уриш учун бир қанча имкониятлар юзага келди. Икки-уч маротаба голга яқин бордик, бир вазиятда футболчимиз рақиб посбони билан яккама-якка вазиятга чиқиб борди. Биламизки, "Нефтчи" жуда яхши формада, биз уларни тўхтатишга ҳаракат қилдик. Иккинчи таймдан кўнглим тўлди, бир неча голга яқин вазиятлар бўлди, афсуски ҳужумларни голга айлантира олмадик. Охирги уч ўйинда 7 очко жамғардик, энди "Насаф" билан ўйинга жиддий тайёргарлик кўрамиз. 

- Жамоанинг ўйини икки таймда икки хил тарзда ўтди. Иккинчи бўлимда "Нефтчи"нинг ожиз нуқтасини топа олди жамоангиз. Бу камчиликларни билармидингиз ёки ўйиндан келиб чиқиб топдингизми?

- Рақиб биринчи таймда тўпга кўпроқ эгалик қилган ҳолда устунлик қилишди, биз эса қарши ҳужумда рақибни жазолашга ҳаракат қилдик. Анча қийинчиликларга дуч келдик, иккинчи қаватда устунликка эга бўлолмадик. Тезроқ иккинчи таймга ўтишни мақсад қилдик ва бу бўлимда ўз кучимизни кўрсатишга ҳаракат қилдик. Иккинчи бўлимни яхши кайфиятда ўтказдик ва ғалаба лойиқ ҳам эдик, афсуски, уч очкога эга чиқолмадик.