Анвар Бердиев: "Мақсадимиз — Суперлигага чиқиш"

Ўйиндан кейинги матбуот анжуманида мезбонлар устози Анвар Бердиев тассуротлари билан ўртоқлашди. 

"Жуда қийин кечган баҳсда ғалабани қўлга киритдик. Рақибимиз ёш жамоа бўлишига қарамай, жуда яхши шаклланган. Ёшлар термасининг асоси ушбу жамоа. Яна бир бор такрорлайман, ПРО-Лигада осон ўйинлар йўқ. Олдимизга қўйган вазифани бажара олдик. Энди кейинги ўйинларга тайёргарлик кўришни бошлаймиз. Мухлисларга алоҳида раҳмат" - дея фикр билдирди Анвар Бердиев.

- Жамоа ўз олдига қўйган мақсадларга эриша олдими?
- Жамоамиз потенциали юқори дея оламан. Биз кўп ўйинларда очко йўқотдик, холос. Ҳали ҳаммаси олдинда. Охиригача курашишимиз зарур. Эндигина битта вазифани бажардик. Мақсадимиз Суперлигага чиқиш.