Анвар Бердиев: "Кубокда кейинги босқичга чиқиш масаласини уйдаги ўйинларда ҳал этиш керак"

- Ўйин ҳақида 

- Ҳаммани Рамазон ойи билан муборакбод этаман. Футболчиларимизга ажойиб ўйин кўрсатишгани учун алоҳида миннатдорчилик билдирмоқчиман. Ўйлайманки, ўйин мухлисларга манзур келди. Кубокда кейинги босқичга чиқиш масаласини уйдаги ўйинларда ҳал этиш керак. Худога шукрки, футболчилар шуни тўғри тушуниб, майдонда бор кучини сарфладилар. Мухлисларимизга ҳам раҳмат!

- Иккинчи тайм аввалида бирданига 3 футболчини алмаштирдингиз. Бу уларнинг ўйинидан қониқиш қилмаганингиздан далолат берадими?

- Йўқ, биринчи таймда кам ўйин амалиётига эга футболчиларни ўйнатишга ҳаракат қилдик. Ўйин боришига қараб ўзгаришлар қилдик. Худога шукрки, қилган ўзгаришларимиз самара берди. 

- Тожикистонлик легионерларнинг ўйини борасида нима дея оласиз?

- Жамоага янги келган ҳар бир футболчи қийинчиликка учрайди. Ўйлайманки, озроқ вақт керак. Улар истеъдодли футболчилар.

"Ўйин қийин ўтишини билардик. Биз бир жамоа бўлиб ҳаракат қилдик ва мураббийимиз кўрсатмаларини тўлиқ бажардик. "Шўртан"га қарши ўйнаш доим қийин бўлган. Муҳими, Кубок баҳсидаги биринчи ғалабамизни қўлга киритдик. Худо хоҳласа кейинги учрашувларда ҳам ғалаба қозониб, кейинги босқичга чиқамиз деган умиддаман.

Илгари ҳимояда ўйнардим, ҳозир вингер бўлиб ўйнаяпман? Ҳа, асосан, ҳимояда ўйнайман. Бироқ тактикага қараб, ўйнайвераман. Асосийси, жамоамга фойдам тегса бўлгани", – деди Абдуғани Камолов.