Антонио Конте: "Бу ўйин Италия футболи учун ажойиб реклама бўлади"

Жамоамнинг жисмоний ҳолати жойида. Сўнгги пайтларда жуда кўплаб ўйинлар ўтказаётганимиз сабаб, ҳар ўйинда таркибда ўзгаришлар амалга оширишга тўғри келмоқда. Мен жамоамдаги барча футболчиларга ишонаман ва қайси футболчи фойда келтира олса, ўшани таркибга киритаман. Поль Погба ҳозир ажойиб формада. У ҳақида ёзилган танқидлар ноўрин. Сўнгги баҳсдаги унинг ҳаракатларини кўриб чиқдим ва Погба яхши учрашувни ўтказганига яна бир бор амин бўлдим. "Фиорентина" жуда яхши жамоа. Улар Европа лигасида узоқроққа боришни режалаштиришган. Биз эса навбатдаги скудеттони қўлга киритмоқчимиз ва албатта ўз майдонимизда кечадиган Европа Лигаси финалида иштирок этиб,  ушбу турнирда ғалаба қозонмоқчимиз. "Фиорентина" билан бўладиган ўйин Италия футболи учун ажойиб реклама бўлади.