Анте Чачич: "Модрич ҳар қандай мақтовларга лойиқ"

- Лука Модрич мақтовларга лойиқ. Уни ҳар қанча мақтаса арзийди. Туркияга қарши Модрич ўзининг энг яхши ўйинларидан бирини ўтказди.
Модрич Хорватиянинг етакчи футболчиси. Лука ажойиб формада бўлиши биз учун жуда муҳим. Қачонки Модрич яхши ўйнаса, унда Хорватия ҳам кўнгилдагидек кўринади.
Туркия билан ўийн кутилганидек қийин ўтди. Турнирдаги илк ўйин бўлгани учун ҳам иккала жамоа қийинчиликка дуч келди. Бугун кўп вазиятларда омадимиз ҳам келмади. Акс ҳолда ҳисоб йирикроқ кўриниш олиши мумкин эди. Биз ҳали гуруҳдан чиққанимиз йўқ. Йигитларга Туркиядан ҳам кўра Чехия бизни чўчитишини айтиб ўтдим. Ғалабани унутмоқ лозим. Бутун жамоа кейинги ўйин ҳақида қайғуриши керак. Хорватия ҳар бир ўйинда ғалаба учун курашади.